Молитвы при немоте

Содержание:

• Молитва пред иконой Божией Матери, именуемой "Владимирская"
• Молитва блаженному Прокопию, Христа ради юродивому, Устюжскому чудотворцу
• Святому преподобному Иоанну Рыльскому
• Молитва святому великомученику и целителю Пантелеимону

МОЛИТВА пред Колочской иконой Пресвятой Богородицы

Пречистая Владычице Богородице, Царица Небесе и земли, высшая Ангел и Архангел и всея твари Честнейшая, чистая Дево Марие, миру Благая помощнице, всех христиан поможение и утверждение, и всем во всяких нуждах избавление! Призри ныне, О, Всемилостивая Госпоже, на рабы Твоя, умиленною душею и сокрушенным сердцем Тебе молящыяся, со слезами к Тебе припадающыя и Пречистому и Цельбоносному образу Твоему поклоняющыяся, Твоея же помощи и заступления в скорбех и напастех своих просящыя. Буди за нас хода-таица к Сыну Твоему, Христу Богу нашему: мы бо грешнии не имамы иныя помощницы разве Тебе, Владычице. Ты еси наша надежда и упование, Ты еси заступница и предстательница наша, Ты обидимым защищение, печальным утешение, скорбящым радование, сирым прибежище, вдовам хранительница, девам слава, слезящым веселие, больным посещение, немощным исцеление, грешным спасение. Сего ради, О, Богомати, к Тебе прибегаем, и на Твой Святый образ взирающе, с любовию покланяемся Тебе с предвечным на руку Твоею держимым Младенцем, Господем нашим Иисусом Христом, и молебное пение приносим, вопиюще: помилуй ны, Мати Божия, и прошения наша исполни во благо, вся бо возможна суть ходатайству Твоему к Сыну Твоему и Богу нашему, Емуже подобает всякая слава, честь и поклонение и благодарение, со Безначальным Его Отцем и со Присносущным Его Духом, ныне и присно и во веки веков. Аминь.